الحلم كلمه بتعدى علينا كتير ممكن متهمكش وممكن تفسرها بخيالك
وممكن تمسك وممكن تعيش جواها وممكن عينيك تدمع من قوه حلمك
الحلم كلمه صغيره لحياه كبيره خطوه صغيره لمستقبل مختلف
وكلنا بنحلم بس اللى بيكمل بس هو اللى بنصقفله
واللى بيصر على حلمه بنشيله على اعناقنا واللى حلمه بيأثر فينا
بنديله الزعامه
بقالى فتره عمال أشوف أحلام مختلفه وكذا كذا مجال
مدرب تنميه بشريه نفسه يبقى معروف ومشهور
ملحن بيلحن ببلاش ونفسه كل ودن فى الدنيا تضحكله
ممثل عينيه بتلمع شايف مستقبله وأحلامه قدامه
ديزينر أحلامه كبيره عايز العالميه
محفظ قرأن عايز الأجر والثواب والجنه
وشايف واحد محتار مش عارف يعمل أيه ويروح فين
وواحد عنده بدل الحلم عشره ومش منين البدايه
وواحد من كتر ما حلم خاف يحلم
وواحد من كتر الناس اللى بتهدمه بيقى أقوى وتانى بيسلم وتالت
يستغنى عن جزء من أحلامه واللى بيقف قدام الريح
واللى بيمشى مع الريح واللى ميعرفش الريح لحد ما تكسره
ليه كده
ليه كل دا علشان كلمه واحد ..... الحلم
أبراهيم خطاب من المدربين اللى ليهم مستقبل ورسالته فى الدنيا
نشر ثقافه الحلم .... أحييك يا أبراهيم
واحد صحابنا بيسافر كل يوم علشان يكون من الممثلين والمشاهير
ومن خريجى ورشه خالد جلال ..... أحترم حلمك
شركه تدريب عايزين يعملوا حاجه وبيوقعوا ويوقفوا
ويشتغلوا فى أضيق الحدود المتاحه .... ربنا معاكوا
هند عبدالفتاح حرمها الله نعمه البصر وأعطاها نعمه الحلم
كثير من الناس يرى وقله تحلم .... هند أدعوا لكى بالجنه
محمد يونس شاب حلمه التدريب رغم أعاقته التى كانت
سبب فى قوته كم أسعد لطموحه .... يونس عاشق المستحيل
رشا خليفه وسامر ضيف ونهاد رجب وشاكر وأمين وأسلام ووليدحماد
وكل من أعرفه وأعرف حلمه
كل من أراه يحقق خطوه فى حلمه
أحييك
أما أنت قارىء الكلمات قد أكون أعرفك وقد يكون لا
رغم ذلك أحترمك لقرأتك الكلمات
وأنا من جمهورك عندما تحقق حلمك
وتذكر دائما
الحلم رساله
والرساله أمانه
والامانه خير
ومن الخير أن تحلم
محمد زكريا
المصدر: المنتدى الرسمى للمدرب محمد ذكريا - من قسم: مقالات متنوعه للمدرب محمد زكريا
موضوع: الحلم " للمدرب محمد زكريا " 
الإثنين يوليو 25, 2011 11:03 pm
